Әл-Фараби атындағы Қазақ ұлттық университеті (ҚазҰУ) Қазақстанның жетекші университеттерінің бірі және Орталық Азиядағы ең беделді оқу орындарының бірі болып табылады. Оның тарихы 1934 жылы құрылғаннан басталады және 90 жыл бойы кадемиялық қызметті қамтиды. Ол философия, математика және медицина саласындағы мұрасы ғылым мен мәдениеттің дамуына айтарлықтай әсер еткен ұлы ғалым және ойшыл Әл-Фарабидің есімімен аталады.
Университет – жаратылыстану және гуманитарлық ғылымдар, инженерлік және білімнің әртүрлі салаларында білім беру бағдарламалары мен зерттеулерінің кең ауқымын ұсынатын Орталық Азиядағы ең ірі білім беру және ғылыми орталық. ҚазҰУ-дың өзіне тән ғылым, білім және инновацияның әртүрлі аспектілеріндегі артықшылықтары бар.
ҚазҰУ өзінің жоғары деңгейлі білімімен академиялық беделге ие. Университет өзінің білікті оқытушылар құрамымен мақтанады, олардың көпшілігі өз саласының танымал сарапшылары, мысалы, Асқар Жұмаділдаев-физика-математика ғылымдарының докторы, Қазақстан Республикасы Ұлттық Ғылым академиясының академигі, плазма физикасы және термоядролық синтез саласындағы маман, Дүниежүзілік Ғылым академиясының мүшесі.
ҚазҰУ ғылыми зерттеулер мен технологиялық инновацияларды дамытуға белсенді инвестиция салуда. Студенттер мен оқытушылар озық технологияларды құруға және күрделі ғылыми мәселелерді шешуге ықпал ететін заманауи зертханаларға, жабдықтар мен ресурстарға қол жеткізе алады. Мысал ретінде «ақылды қала» жобасын атауға болады. Мақсаты: көлікті, энергияны және қауіпсіздікті басқарудың интеллектуалды жүйелерін қоса алғанда, «ақылды» қалалық кеңістіктерді құру технологияларын әзірлеу және енгізу. Жоба аясында қалаларда өмір сүру сапасын арттыруға бағытталған шешімдер құрылуда.
Халықаралық ынтымақтастық бойынша университет студенттер мен оқытушыларға халықаралық алмасу және бірлескен ғылыми жобалар үшін мүмкіндіктер бере отырып, әлемдегі ең ірі университеттермен және ғылыми орталықтармен белсенді жұмыс істейді. Қазақ Ұлттық Университетінің студенттері жыл сайын Гумбольдт атындағы Берлин университеті (Германия), Сорбонна университеті (Франция), Пекин университеті (Қытай) секілді университеттерде білім алмасады.
Студенттік өмір қызық өтеді және мәдени шаралар да көп ұйымдастырылады. ҚазҰУ сонымен қатар студенттік өмір мен мәдени бастамалардың алуан түрлілігімен танымал. Мәдени шаралар студенттік өмірінде маңызды рөл атқарады, әр түрлі мәдени іс-шаралар, фестивальдар, концерттер, көрмелер мен мәдени кештер үнемі өткізіліп тұрады, олар студенттерге өз ойын білдіруге, идеялармен бөлісуге және әртүрлі мәдениеттермен кездесуге мүмкіндік береді. Студенттердің жеке тұлғаны дамытуға және шығармашылық атмосфераны қалыптастыруға ықпал ететін әртүрлі клубтарға, іс-шараларға және қоғамдық мерекелерге қатысу мүмкіндігі бар. Осы күнге дейін бірқатар көлемді іс шаралар өтті. Мысалы, 2023 жылдың мамыр айының 27-ші жұлдызында Экономика және бизнес жоғары мектебінде «Түлектер кеші-2023» өткізілді. Ресми іс-шараға биылғы түлектер ғана емес, осыдан 10, 20, 30 жыл бұрын университеттегі оқуларын тәмәмдаған түлектер де қатысты. Таңертең түлектер әл-Фараби атындағы ҚазҰУ-дың бас ғимаратында өткізілген жалпы университеттік іс-шараға қатысып, шығыс ойшылы Әбу Насыр Әл-Фарабидің ескерткішіне гүл шоқтарын қойды, содан кейін мереке факультетте жалғасты. Іс-шаралар өте әсерлі әрі жоғары деңгейде өтеді.
Осы факторлардың барлығы Қазақ ұлттық университетін тек оқу орны ғана емес, сонымен қатар аймақтағы зияткерлік өсу, инновация және мәдени алмасу орталығына айналдырады.
Университет білім берудің символы ғана емес, сонымен қатар елдегі ғылым мен мәдениеттің дамуының катализаторы болып табылады. Университеттің маңыздылығы оның көптеген жетістіктерімен және әлемдік ғылыми қоғамдастыққа қосқан үлесімен расталады. Оны Әл-Фараби атындағы Қазақ ұлттық университеті QS World University Rankings 2025 (QS WUR) халықаралық рейтингінде әлемнің ТОП-200 ЖОО-на кірді. Биыл еліміздің жетекші жоғары оқу орны 9 көрсеткіш бойынша 67 позицияға, 230-дан 163 орынға көтерілгенімен дәлелдей аламыз. ҚазҰУ Қазақстан мен Орталық Азияның 200 үздік университеттерінің қатарына енген алғашқы және жалғыз университет болып табылады. Өткен жылмен салыстырғанда оқу орны академиялық беделге және жұмыс берушілер арасында түлектердің сұранысына қарай ілгеріледі. Сонымен бірге университет оқытушылар мен студенттердің арақатынасы, студенттер саны, Халықаралық зерттеу желісі, тұрақты даму көрсеткіштері бойынша жоғары нәтижелерге қол жеткізді.
Қорытындылай келе, Қазақ ұлттық университеті Қазақстанда ғана емес, шетелдік білім беру және ғылыми кеңістікте де маңызды рөл атқарады. Оның тарихы, академиялық беделі, білім беру бағдарламалары, халықаралық ынтымақтастық және студенттік өмірі оны жетекші білім беру орталықтарының біріне айналдырады.
ҚазҰУ-бұл білім беру ұйымы ғана емес, инновациялық идеялардың, озық зерттеулердің және болашақ қоғамын қалыптастырудың қайнар көзі. Университет білім беруді, ғылымды және мәдени алмасуды дамытуға белсенді ықпал етеді, сондай-ақ зияткерлік және мәдени элитаның қалыптасуына әсер етеді.
әл-Фараби атындағы Қазақ Ұлттық Университеті
Экономика және бизнес жоғары мектебі
Қасқырбек Қ.Б., «6В04103-Экономика» БББ 2 курс студенті
Андабаева Г.К., э.ғ.к., доцент
В нашем Telegram-канале много интересного, важные и новые события. Наш Instagram. Подписывайтесь!